世界上，咩都有限期嘅，就好似光管咁，一開頭實係光明過光明會㗎，慢慢咪好似打工仔嘅人生咁，愈嚟愈暗囉。你知唔知點解會咁呀？其實唔一定係支光管老化，而係因為個罩儲咗好多唔明會死都照飛埋去嘅昆蟲仔囉！新年前大掃除記得記得記得要清咗去呀！

成日以為四腳蛇淨係喺牆角或者天花板先會出沒，點知原來燈罩都一樣係佢哋嘅地頭！話說台灣就有個網民大掃除嘅時候，發現燈罩度有兩條已經死去多時嘅四腳蛇乾！正確啲講，係就算死，都仍然手拖手嘅四腳蛇乾呀！唉，多情自古空餘恨，四腳爬爬無絕期……

少年，你以為呢pair情侶同年同月同日拖手升咗天，掃走佢就可以唔使眼冤喇咩？而家就連牆角啲四腳蛇都要放閃畀你睇呀！

仲有呢兩條魚仔呀，無懼會浸親嘅危險，都一樣要咀咀！唉，情人節都未到，一個二個就已經開始放閃，戴幾多副黑超都冇用啦！

封面圖片、資料來源連結：張鈞棉、dcard、tendonman_scp／twitter

延伸閱讀：【走啦你哋】連四腳蛇都喺度放閃係咩玩法