浸溫泉有幾爽，相信唔使毛毛講大家都知㗎啦，不過以下呢位人兄就唔方唔爽咯……事關佢竟然浸到自己個pat pat變咗咁樣樣喎！小二，兩斤花生！

嘩，做咩個pat pat上面有咁大個紅印嘅？呢位人兄搞過啲咩嚟呀？

是咁的，話說最近有位日本網民就同佢嘅前輩一齊浸溫泉啦，點知呢位前輩無啦啦發出一聲鄭嘉穎叫.jpg，原來佢個pat pat唔小心畀個溫泉排水口吸住咗，搞到個pat pat留低咗個咁紅印呀！嗚哇，都唔知要等幾多日先散到啲瘀血?㗎，今次真係唔使用計數機都知呢位前輩嘅心理陰影面積有幾大咯……

btw，其實樂觀啲睇，起碼……起碼都個紅印都唔係喺呢位前輩塊面度吖！呢位前輩咪當自己浸溫泉有得免費送八月十五拔罐服務囉～有得浸溫泉relax下之餘，又有得幫你個pat pat打通任督二脈喎，計落你有賺就真，55！

先輩と温泉に行きました。
お風呂に入っている先輩が「痛いw」と言い続けてたのを無視していたら お風呂から焦ってでてきて「抜けたー死んだかと思った」ってケツ見たら…爆笑???
お風呂の中の排水溝にお尻を吸われ続けてました！爆笑 pic.twitter.com/xBmge2N0QA

— 渉人 (@AYUTO0419deep) 2017年1月28日

資料來源：AYUTO0419deep／twitter