恭喜發財！利是逗來！點呀，各位廢青呢幾日逗得多唔多利是呢？不過咁，就算畀你哋逗到幾多封利是，都唔夠呢對台灣公公婆婆收到呢封利是咁大封㗎喇……嗱，唔信你哋睇下，係足足半個人咁高嘅大利是呀！

是咁的，話說有台灣網民就去咗阿爺阿嫲屋企度拜年。咁話明拜年，就梗係唔可以淨係帶兩梳蕉㗎啦，所以佢阿妹咪上網買咗兩個巨型大利是咕?，諗住送畀阿爺阿嫲，等佢哋高興下囉，果然阿爺阿嫲收到封大利是之後都笑得勁開心！

呢位網民仲話喎，過年大家就記得多啲陪下屋企人，氹下老人家開心喇……吖～你哋兩個孫仔孫女又真係幾有阿爺阿嫲心啵，真係夠晒孝義永在心呀下～

唔止巨型大利是咕?，上年孫女都送過銀紙銀包畀阿嫲，阿嫲一樣係咁鍾意！

其實呀，你哋真係以為阿爺阿嫲係因為收到個大利是咕?先笑到咔咔聲咩？其實說穿了，阿爺阿嫲咁開心都係因為見到你哋班孫仔孫女咋嘛！你知你哋班衰仔衰女平時幾忙㗎啦，好日都唔探下阿爺阿嫲，而家難得咁齊人阿爺阿嫲就梗係高興啦～

嗱，廢話少講，新年之後幾時得閒再返嚟食飯先？

資料來源：dcard