做隻喵做隻汪不做情人，做隻寵物至少可愛迷人～歌仔就咁唱啫，都唔好以為做喵星人汪星人就真係一啲煩惱都冇呀！主人有屋企人有朋友有拖友有同事，但寵物嘅世界就只有主人一個，如果畀主人扔低咗，佢哋真係唔知點算呀。

狗狗，做咩個樣咁sad呀？有得出街街散步步都唔開心，好少狗仔好似你咁難滿足㗎啵！聽主人講，佢帶狗狗散步嘅時候，因為戴住手套，所以唔小心跣一跣手，鬆開咗條狗帶都唔知，到行咗幾步擰轉頭一望，就發現狗狗用呢個sad face呆呆企喺原地望住佢喇……

傻豬嚟嘅，主人唔覺意鬆咗手咋，你咁得意，點會捨得扔低你喺條街度喎！呢隻狗狗已經14歲，算係老友記嚟㗎喇，可能佢以為主人嫌佢老，會遺棄佢，所以咁悲傷啦！

雖然狗狗呢個樣令人又心酸又好笑，不過佢亂諗嘢，都係因為佢重視主人啫～養寵物係一生一世嘅承諾，由你帶佢返屋企嗰刻開始，就有條無形嘅狗帶縛實你哋，永遠都唔可以鬆開㗎喇！

手袋を外した時にうっかりリードを落としてしまったらしく 5、6歩 歩いたところでソーヤの姿が横に無いのに気づき、振り返ったら悲しみのオーラに包まれていた。 pic.twitter.com/qYuqOWWp6s

— 東雲 鈴音 (@goen0414) January 29, 2017

封面圖片、資料來源連結：goen0414／twitter

睇埋：【可憐的柴柴】驚你冷親先畀衫你著啫 個樣使唔使咁慘呀