同狗狗出街，都係想佢relax下、聞下其他狗狗屁股識個FD子啫～唔止狗狗要識朋友呀，可能連主人都會喺公園識到新朋友，大家一齊傾下養狗心得㗎，不過傾起上嚟太忘形，一下走漏眼，睇唔到狗狗喺地下亂咁執嘢食就弊傢伙喇！

唔少主人帶狗狗去散步嘅時候，都會幫佢戴口罩，廢事佢執錯嘢肚仔痛、或者大聲汪汪叫嚇親人㗎。唔好以為狗仔口罩得一個款，是但買個就得呀，人買衫都有分size啦，狗狗都一樣！呢款就係畀長鼻狗仔戴㗎喇！

唔同面形嘅狗狗都有特別設計嘅口罩，日本呢間廠商都幾有心啵～

間廠商細心到，就連八哥都有專用口罩呀！Er……其實毛毛睇唔清楚，不過照睇額頭啲可以夾死烏蠅嘅皺紋，斷估都係八哥喇啩。八哥個樣係就係蠢豬少少，都唔使咁對佢啩，而家連對眼都睇唔到喇大佬，到底佢做錯啲乜嘢……

嗯嗯，不過聽講八哥係狗界為食王，一見到嘢食就會眼甘甘望到實，淨係笠住個口可能都阻止唔到佢狂聞街邊啲嘢食㗎，咁主人咪扯整都扯唔到佢走囉？遮埋對眼可能都好嘅～

拾い食い防止マスク パグだけ様子おかしい?ww pic.twitter.com/6IKOzIQ94u

— にこにし( 17 ) (@i_am_koni_) January 29, 2017

封面圖片、資料來源連結：i_am_koni_／twitter、youtube