2017年01月30日 星期一
【搵食艱難】超市銷售員用腸仔砌咗個動物園出嚟！
由細到大，見到電視教人煮飯嗰啲乜乜廚神，都會心諗使乜咁搵佢教呀，廚神咋嘛，落日式超市行個圈都大把啦！唔係講緊推住架車仔買餸嘅c9呀，係試食sale屎姨姨呀！唔知點解，佢哋煎嘅牛扒同腸仔硬係寧舍香，香到喺收銀處都聞到㗎！咁好味，返到屋企食唔返呢種味點算呀！
而家嘅試食sale屎，唔止要係廚神級喇，更加要識得花心思吸引c9埋嚟睇埋嚟揀！美食嘅嘢，不外乎色香味，後邊兩樣超市廚神就實做到有餘喇，不過賣相仲有待進步！呢間超市嘅銷售員就用腸仔砌咗個動物園出嚟喇！考下你搵到幾多種動物啦，樹熊、象仔、章魚、水豚、蝸牛……數數下又真係幾多款啵！
不過呢，其實識煮到啲嘢食異常地香、砌埋場景都未算最強喇，呢個哥哥仔連魔術都識變呀！賣隻長腳蟹啫，都要識凌空升起佢，而家搵食真係艱難。估唔到原來超市銷售員係咁辛苦㗎，為表示支持，毛毛下次去日式超市會嗒真啲，食多幾件試食㗎喇！
試食は出さずにもりもり動物作ってる試食販売員wwwめっちゃ笑ったwww pic.twitter.com/z9OVRym4oE
— ぴょん (@104_souji) January 28, 2017
封面圖片、資料來源連結：104_souji／twitter、tukiuta_2525／twitter
延伸閱讀：
