2017年02月01日 星期三
【來生不做…】只要有心，動物園展覽池都變許願池
新年假期出去玩，唔係上親戚屋企拜年咬瓜子，就係去寺廟拜神㗎啦。年年都係咁，好似冇乜新意啵，不如去下動物園散下步啦。不過去得動物園，就冇得拜神許願，又好似爭咁啲新年氣氛咁……嗱，學強國同胞咁做就夠晒一舉兩得、一雞兩味喇！
最近上海動物園嘅揚子鱷魚池同大鱷龜池，驟眼望落去銀光閃閃，不知幾bling bling呀！唔通動物園知新年會好多人去玩，所以特登裝飾過個展覽池？定係想與眾同樂，祝鱷魚同龜龜金銀滿屋呀？
傻豬嚟嘅，都話咗要又睇動物又許願囉，所以班同胞咪當咗鱷魚同龜龜係神仙咁，係咁掟硬幣落個池度囉！只要有心，動物園展覽池都可以當係許願池嘅！
除咗求神求神誠心禮佛來求鱷魚之外，都有啲同胞話係見啲動物唔係點郁，所以掟下佢睇下有冇反應嘅……嗯嗯，唔通鱷魚同龜龜收咗爐唔想OT又要話你知咩。
個個都對住展覽池起勢咁投幣許願，唔知如果鱷魚同龜龜都有機會許願，會唔會係希望來生不做強國動物呢……
封面圖片、資料來源連結：搜狐
延伸閱讀：
