塵世間最遠嘅距離，唔係你由九龍山長水遠搭車入元朗諗住食隱世小店，去到門口仲要排晒長龍，而係嗰一刻先知原來人哋搬咗舖去旺角發大嚟做呀！講開又講，搬屋搬舖明明就係入面個人同啲物品搬走，間舖都仲留喺原地嘅，點解唔叫「搬人」㗎呢？

唔通當年發明「搬舖」呢個term嘅人，一早就見過呢個magic moment？！話說最近日本有網民親眼目擊間7仔搬舖嘅過程！

可能你心諗：唓，咪就係執咗呢間再將啲貨運晒去另一個舖位重新開張囉？有咩咁神奇？

咁你就要擘大眼睇清楚喇，因為呢次係堅・搬舖，將成座建築完完整整咁剷起，再打橫移動過去隔籬舖位，簡直好似小朋友玩lego咁呀！

呢間搬屋公司咁強勁，連7仔移動城堡都做到，唔知會唔會好快畀正苦或者膠官睇中，叫佢哋幫手搬龍門呢？

ここのセブンイレブンな、
ちょっと移動して来月リニューアルオープンするとは聞いてたけどな、

物理的に店舗を横移動させるんかいｗｗｗ

コンビニの曳家とか初めて見たわｗ pic.twitter.com/wjJ0ootU2q

— たまや (@tamaya8901) January 30, 2017

封面圖片、資料來源連結：tamaya8901／twitter