講起那些年唱K嘅回憶，真係數都數唔晒呀！同成班FD子一齊唱卡通片主題曲、飲杯Fruit Punch就當自己係大人、最後一首歌死都要點首基仔首《勁歌金曲》拖延時間……係就係好好玩，不過毛毛多數都係去瘋狂食嘢，唔會認認真真唱歌㗎，除非香港嘅卡拉OK都有日本呢部偉大發明啦！

嘩咩事呀！去唱K係成班豬朋狗友一齊開心嘅事，點可以公開播愛情動作片咁大膽㗎！女神都喺度㗎嘛，一陣嚇親佢點算呀，我哋男子組自己喺group些牙咪算囉！

咦，原來呢個畫面，係K房電視自己播出嚟㗎！日本好多卡拉OK機都會幫你嘅歌藝評分，不過拎到高分之後大家飲杯酒拍下手掌咁，邊夠high㗎，播裸女畫面當係獎勵，大家一定唱得更加落力啫！Btw，其實會唔會係間卡拉OK覺得自己招呼唔到，所以道定歉先呀？

咁如果唱得唔好點算呀？咪罰你上睇肉堂，醒個筋肉男畀你慢慢欣賞佢嘅微笑囉。溫柔嘅眼神，不羈嘅臂彎，加上完美嘅線條，真係好引人犯罪，仲會突然感到成個body都充晒血，直頭好有衝動……好有衝動想打爆個mon。

呢部機真係好強大嘅發明，令到不嬲都唔唱K嘅毛毛都想唱下K呀，我會努力保持（低）水準，等佢播筋肉男畀我睇，再打爆個mon捉入面個仔仔出嚟陪我唱㗎喇，嘻嘻！

JOYSOUNDのアダルト機能……
普通の採点機能と比にならないくらいやる気でるけど、うっかり音外すと突然ガチムチになるのほんと心臓に悪い pic.twitter.com/3MiVBrtE9g

— 四二一 (@yoniichi421) January 29, 2017

封面圖片、資料來源連結：yoniichi421／twitter

延伸閱讀：

【有錢就是任性】唱個K啫使唔使打仗咁款