好多唔識化妝嘅人都以為，化妝就一定係濃妝，冇化妝就一定係黃面婆咁樣，見到女神啲攤喺張床上面影嘅自拍，就會大讚佢素顏都咁靚女，果然係天生麗質，但呢班傻豬豬笨唔知道，其實化濃妝同素顏之間，有一樣嘢叫「素顏妝」！

唔明呀？簡單啲嚟講，即係化完好似冇化咁囉～冇得畫粗眼線扮大眼娃娃，塊面點都要畀返啲色水嘅，唔係就真係成個病樣㗎喇。搽返少少胭脂喺面珠，即刻白裡透紅，夠晒自然，唔止呃到like仲呃埋自己同班兵呀。

呢款胭脂色澤紅潤，仲有啲大大細細嘅花紋，係咪睇見都想……食返啖呢！冇錯呀，就係食呀，鬼叫佢成塊肥牛咁款咩，仲要係脂肪比例極均勻嘅極上和牛 ?呀，搽完會唔會油光滿面㗎？

你班友仔新年仲食唔夠咩？咩都話似食物，連狗仔都話似一堆炸雞，真係冇你收呀！一陣會唔會連百潔布都話似籮蔔糕食埋㗎？

めっちゃかわいいけどなんか既視感あると思ってたんだ... pic.twitter.com/i84cWvEM7Z

— みぞれ (@aboutlq) January 31, 2017

封面圖片、資料來源連結：aboutlq／twitter