喵星人隻隻都身懷絕技，身體柔軟到不得了，唔止可以做出奴才做唔到嘅高難度動作，仲可以成隻貓匿入同體形不相符嘅容器裡面。最犀利嘅係佢哋神出鬼沒，成日用啲你估佢哋唔到嘅方式出場呀！

「救駕呀喵！」主子呀主子，你點解可以咁樣攝係個梳化度㗎？仲要好似巴黎鐵塔咁反轉再反轉，真係連貓媽都冇眼睇喇！不過奴才你咁大膽仲掛住影相，仲唔快啲拉返少主出嚟！

咦？屋企幾時買咗部3D打印機㗎，仲連主子都印到出嚟咁犀利？咁咪可以印好多好多罐罐供奉主子囉！咪住先，原來係主子嘅本體嚟㗎喎！聖上冷靜呀，嗰個唔係廁所嚟㗎！

「Hi～出街呀？帶埋朕去?多啲利是買罐罐啦喵～」

其實聖上成日喺啲奇奇怪怪嘅地方出現，都係想你哋奴才唔好成日掛住打機shopping，多啲時間陪主子玩，專心服侍下佢啫～話晒再高竇嘅主子，都會有想畀人摸肚肚嘅時候㗎嘛～

封面圖片及資料來源：GoyonoS／twitter、flankmelody0319／twitter、yy221126／twitter