新年玩咗咁耐親戚問答遊戲，仲要帶住Holiday Mood返嗰幾日工，咁辛苦都係為咗啲利是咋！不過拎住成疊利是準備拆嗰個毛文，就會覺得幾辛苦都值得嘅，仲可以FF下拆晒出嚟可以買啲咩畀自己，慰勞下自已呢一年嘅辛勤扮工吖嘛，但係如果封利是變到咁嘅樣，真係想喊出嚟呀！

媽呀！點解會咁㗎！難得封利是入面唔再係一二百蚊台幣（即係同我哋啲十蚊廿蚊利是差唔多），係一千蚊台幣，張銀紙竟然學人染紅，變咗張紅衫魚呀！

唉⋯⋯咪又係衰大懵囉，掉錢入洗衣機都算啦，都起碼洗乾淨咗吃返乾就得吖，而家變咗血染的風采，Molamola，唔通真係要搵漂白水漂返白佢？

不過人類總係會犯同樣嘅錯誤嘅～人哋PO出嚟就係想你哋啲人唔好學佢咁，點知過兩日又有人犯同樣嘅錯，呢個教訓仲要再貴啲?，係三四張一千蚊台幣呀！唉⋯⋯真係多麼痛的領悟呀！

不過唔緊要嘅，染紅呢家嘢，紅咗咪搵水洗一洗咪變返白囉，一於將啲錢放多一次入洗衣機洗，話唔定負負得正，會變返乾淨呢～你睇下人哋都係咁洗錢咋嘛，仲洗到跡都冇埋，氣味清香?！

封面圖片及資料來源：洪千禧／爆廢公社、李凱中／爆廢公社、朱逸聖／爆廢公社