唔知大家仲記唔記得早前日本興用面具嚟佈置聖誕樹嘅潮流呢？雖然恐怖聖誕節呢個idea係幾盞鬼呀，但而家唔好話聖誕節啦，就嚟連新年嘅氣氛都冇晒喇……咦，咁之前用過嘅面具咪冇用？唔要緊，日本人出名環保㗎嘛，用過嘅面具都當然唔會嘥啦～

最近，有日本網民揸揸下車嗰陣就發現前面個車主用咗面具嚟做車尾燈喇！咦話時話，如果根據之前班日本網民用面具嚟佈置聖誕樹嘅方法嚟睇，咁呢對面具車尾燈嘅發光位置咪就係佢哋對眼？！

媽呀，果然真係好恐怖呀！呢兩個面具對眼一著咗燈，再加上呢個咁陰濕嘅笑容，唔好話後面啲駕駛者吖，就連毛毛隔住個mon見到都畀佢笑到心裡發寒呀！

仮面ライダーの帰宅中に遭遇 pic.twitter.com/L0eYBEyZsQ

— 和哉@SNY (@sunny_kazuya) 2017年2月4日

老老77，日本嘅公路真係無奇不有。就喺同一日咋嘛，有另一位日本網民都喺條濕滑嘅公路度見到另一個奇景－揸住旋風號嘅幪面超人！雖然呢位幪面超人已經唔係第一次畀人擺上網，但呢位網民表示咁近距離見到真係覺得好震憾呀！

千葉がマジで怖くなった。ブレーキ連動してるんだ…
外見ノーマルなのに… pic.twitter.com/SY0WH3GBkz

— RAIHA (@N_Raiha) 2017年2月4日

資料來源：N_Raiha／twitter、sunny_kazuya／twitter