2017年02月05日 星期日
【潰已崩】冇見一排，熊大你做咩變成咁樣樣呀？
老老77，呢個世界邊得嚟咁多美魔女同不老男神吖～係人都會老，老咗就會走樣㗎啦！唔係你哋以為自己係小丸子，成30歲人都仲係童顏呀？吖，毛毛以為所有卡通人物都唔識老啦，點知原來只係毛毛一直未發現佢哋嘅真面目咋……
嘩，右邊嗰隻做咩事呀？你唔係同我講呢隻縮水兼皺皮嘅核突熊就係傳說中好受歡迎嘅Line熊大下話？
是咁的，其實呢隻真係熊大嚟嘅。早排呢位台灣網民帶佢返屋企嗰陣都好地地㗎，之不過之後隔咗個農曆新年冇見咋嘛，佢返到屋企再見到熊大嘅時候就發現佢個樣好似老咗幾廿年，仲面容扭曲咁樣樣喇……
唉，講到潰已崩嘅又點止呢隻熊大嘅主人吖，早前呢位買咗鴨仔造型棉花糖嘅網民咪一樣咁崩潰！冇見一排，佢嚿鴨仔造型棉花糖就瘦咗幾個碼喇……
資料來源：戴志軒／爆笑公社、Trista Chiang
