以前啲電話雖然冇咁多Game玩，啲鈴聲又要自己逐粒音入，但勝在夠晒㩒跌呀嘛，就算個Mon爆到好似蜘蛛網咁，你忍得住唔整都可以繼續用，簡直就係窮L之選呀！而家轉晒做Touch Screen之後，跌壞咗個Mon嘅話簡直係世界末日呀！慘無人道呀！

Yo！其實跌爆個Mon咋嘛，使咩驚呀！用滑鼠咪得囉～唔係下化，講緊電話唔係電腦啵，真係得？嗱，有圖有真相㗎，只要駁個USB轉頭落個電話度，然後溫柔咁插入個滑鼠就搞掂喇～

你以為滑鼠只係一個補救方案？你錯喇，呢種簡直就係一種生活態度呀！你睇呢個朋友明明部電話乜事都冇，都係要駁滑鼠嚟用，就知道佢對用滑鼠有一份執著喇！喺呢個咩都用手機嘅世代，要堅持左青龍右滑鼠，你估咁易㗎？

有啲人可能會覺得部電話冇事冇幹咁駁法，好似有啲多9餘喎，不過夠有大把人有電話唔直接聽，係都要喺部手機度插個電話聽筒，嘗試搵返那些年煲電話粥嘅感覺啦。好反高潮咩？手機都愈出愈細然後又愈出愈大個mon啦，所以話，潮流嘅嘢，你識條線咩～

封面圖片及資料來源：_mercury__／twitter、okoge554／twitter