之前都同大家介紹過呢款近排喺日本hit到爆嘅「童貞必殺服」（童貞殺すセーター）啦，畀少少你睇又唔畀少少你睇，真係引到人心都痕埋呀！

雖然網上已經有唔少真人示範，甚至連成龍N年前嘅丁圖都畀人擺埋出嚟，不過相信咁多位坐喺mon前面嘅毒L心入面嘅終極理想，都係親眼睇下女朋友著啫……但係，破壞氣氛都要講㗎喇，都係嗰句啦，首先你要有……

唓，邊個話一定要有女女先可以買童貞必殺服㗎！自己度身訂造一件畀佢唔得㗎？邊個佢？咪臭係一直以嚟都陪住你度過每個空虛寂寞凍嘅晚上嘅……左手囉。

佢成日都完全露出晒咁陪住你，好容易凍親㗎嘛，著返件冷衫仔，咁咪warm好多囉～不過擰轉面就唔係大露背，而係露出好白好滑嘅手板喇～左手又係肉，手心又係肉，真係點睇都咁吸引呀！

嗚呀！側面睇就更加不得了呀，你睇下微微突起嘅……手指骨，係幾咁有線條美？！設計師就實測過，就算隻手係咁chok，件童貞必殺服都仲貼貼服服，唔會甩出嚟㗎！

唔好咁黐線啦大佬，整畀左手著都已經夠晒瘋狂，你仲要畀個膠樽著咩玩法……嗯，毛毛好似諗錯隔籬，去面一面壁先。

例の童貞を殺すセーター風ハンドウォーマー編んだよー　【ニコニコ】https://t.co/g38t1cJJvk 【YouTube】https://t.co/xRCx0CJMI6 pic.twitter.com/gDDiBvxB6w

— べっちん (@betibettin) February 2, 2017

封面圖片、資料來源連結：betibettin／twitter

延伸閱讀：【引人犯罪】日本至潮大露背冷衫？成龍一早著緊喇！