那些年，作為一個專業嘅訓練員，起勢捉精靈同打道館嚟儲齊成個圖鑑是常識吧。而要令啲小精靈進化都唔易㗎啵～有啲小精靈要靠粒進化石先進化到，搞到毛毛要係咁問fd子同上網搵攻略，幾經辛苦咁先搵到嗰粒石呀陰功！

咩話？你同毛毛講毛毛嗰粒幾經辛苦先搵到嘅進化石原來落街就買到？

是咁的，話說最近有位日本網友就買咗嚿番梘返屋企，點知越睇就越覺得有親切感，一拎上手仲有一種莫名嘅感動?……係你喇！呢嚿咪就係用嚟幫草系寵物小精靈進化嘅葉之石囉！嗱睇下，咁大塊葉喺度，一定係傳說中嘅葉之石！

估唔到嗰嚿要去25號道路搵爺爺先拎到嘅葉之石，而家就喺呢位網民手上……喂，唔介意嘅話，借嚟畀毛毛隻菊草葉進化得唔得呀？

咦，說好的進化呢？點解毛毛隻菊草葉都仲係菊草葉嘅？既然呢隻菊草葉進化唔到做月桂葉，咁毛毛就唯有將佢進化做青紅蘿蔔湯頂住先啦！55！

封面圖片及資料來源：Ryuumaionono／twitter、next__rider／twitter