淘寶中伏嘅嘢大家就聽得多，但淘寶甘露大家又見過未呢？事不宜遲，即刻等毛毛同大家見識一下！

話說，最近有位台妹就諗住喺淘寶買褲，但因為佢今次係第一次淘寶，加上佢又聽講呢間淘寶店啲褲嘅size有偏差嘅關係，所以咪想問清楚先買，費事中伏囉～（雖然問咗都唔代表唔會中伏…）

好彩呢位妹豬有問清楚啫，原來啲size真係有偏差嘅。不過咁，就算啲褲嘅size偏大又點吖？著開L嘅咪買M，著開M嘅咪買S囉～淘寶嘢係咁㗎啦，而家問清楚咪ok囉，冇事嘅！

點知當佢再查詢另外一件貨品嘅時候，個客服就突然叫佢唔好買？

嘩！呢位客服連質地差呢個事實都講埋出嚟，而家擺到明係倒腦細米喎！打份工啫，做咩咁睇唔開呀？唔通腦細過完年冇畀開工利是？any肥，今時今日呢啲識得以誠待客嘅客服已經好少見㗎喇……計毛毛話，呢啲客服吸客就真啦～邊度係倒米啫！

btw，其實淘寶嘅客服除咗老實之外，仲好細心㗎！好似呢位香港網民咁咋嘛，佢個名「Keith Lee Not keith leethanks」水蛇春咁長，但對方都幫佢照出……你哋話嘞，咁貼心嘅服務去邊度搵先得㗎？

資料來源：dcard、小心駕駛(討論別人駕駛態度)

更多淘寶真實體驗：

【崩潰】淘寶買野講英文嘅下場

【好惡下喎】淘寶畀負評 買家收陰司紙包裹

【淘寶憤青店主】「香港人騙錢不成就差評」