結婚，擺明係兩個人嘅事啦，唔通你可以三個人一齊簽紙咩，不過婚禮就唔係咁簡單喇，阿爸阿媽覺得行禮嗰日最緊要係飲杯茶、話畀親朋戚友知自己個寶貝仔寶貝女大個喇；而對新人嚟講，大日子除咗係兩個人最sweet嘅一日，更加係同班舊朋友玩到發癲嘅大party！

話明婚禮咁重要嘅moment，點少得影相留念呀，好喇而家有請新郎新娘嘅好朋友上台影相先……嘩！乜成班都白兵嚟呀？叫人點分你係男家定女家嘅朋友呀？

兵～全部都係兵～咁多兵，睇嚟新娘子都好識玩喎……I mean好識叫班朋友玩cosplay呀。好彩原來有幾個好姊妹嚟，咁新郎哥可以放心啦。

一個婚禮，除咗係對新人愛的見証之外，仲係班老死嘅友誼考驗！姊妹團平時幾貪靚，嗰日都手下留情唔敢搶新娘風頭，兄弟團就義不容辭幫新郎哥玩晒啲接新娘遊戲，真係友誼薄弱啲都做唔到呀！而家仲要知道呢對新人鍾意星戰（睇枱上嘅擺設就知啦），就特登著到成班白兵同黑武士咁嚟賀佢哋，人生有個真正朋友的確好極，飲勝！

Btw，得罪講句呀，呢位蝙蝠俠先生係check check張帖先好喎，唔好諗住個個都戴面罩就可以混水換魚入嚟黐餐呀下。

福原愛さんの結婚式がカワイイと話題ですが、ここで私が過去に招かれた中でもトップクラスで印象に残ったコスプレ仲間の結婚式の写真を見てみましょう。 pic.twitter.com/1rv1Fjacod

— NAOKI@社長219ワンフェス (@NAWOQI) February 6, 2017

封面圖片、資料來源連結：NAWOQI／twitter

延伸閱讀：【神乎其技】呢個EVA婚禮會唔會太屈機呀？