而家好多人都貪Notebook同Macbook連埋Touchpad夠晒方便，所以就少咗好多人用Mouse喇，但係Mouse陪伴咗我地咁多青蔥歲月，又點捨得畀佢消失呢？所以世界上仲有好多人堅持就算買咗Notebook都仲要用Mouse㗎，仲要懷住興奮嘅心情打開個Mouse包裝?！

那些年就有一位仁兄，一拎到隻Mouse就急不及待咁剪開隻滑鼠⋯⋯個包裝，話晒左手埋位等咗咁耐，係心急啲嘅。點知佢真係剪埋條Mouse線呀！唔緊要啦，都係剪開兩半啫，啲網友話可能或者Maybe有得救呢～

古乳有暈，人類總係要犯同樣嘅錯誤，之後keep住都係會有人Post呢啲傻仔文，大家除咗笑9佢之後，都開始會覺得剪包裝剪埋條線，好出奇咩？但係今次嘅主人翁就連啲網友都忍唔住讚佢剪得天才呀！

嗱嗱嗱，絕對唔係冇料扮四條，堅係一條變四條㗎！是咁的，呢個朋友仔見到個包裝封到咁L實，於是躁躁地用力一剪，點知就將一條Mouse線分成四段呀！呢啲咪名副其實黑帶四段囉～網友睇到都一致話Molamola，堅係冇得救㗎喇⋯⋯你問係講緊條線定係個人？心照啦⋯⋯

封面圖片及資料來源：ENCOREH33456 (XM3)／PTT、mei95mei／PTT

回帶：【潰已崩】興奮過頭唔小心一嘢剪爛咗條mouse線​