唔係話健康嘅嘢一定唔好食，不過調返轉講，唔健康嘅嘢就九成都好食嘅！唔止呀，食起上嚟唔方便嘅，都係多數好食㗎，咩呀想食好西唔使付出代價呀？好似細路哥最鍾意嘅棉花糖咁呀，啱啱拎上手嗰陣仲可以一絲絲咁搣出嚟食㗎，但係食多幾啖，就開始溶溶地仲黏埋一嚿嚿，黐到成手成面都係，不過咁好食，又叫人點忍得口呀。

喂細路，鍾意食棉花糖，都唔使搏埋條老命啩？平時食棉花糖，就會用支竹籤捲住呀，一冇咗支竹籤，啲棉花糖就會化身冇個性戰隊，飛到周圍都係，而家竟然當咗個細路個頭係竹籤咁纏住佢，好似想吸晒佢啲童子靈氣咁呀……

而個細路又竟然可以處變不驚，淡淡定定咁照食啲棉花糖先睇到人O晒咀吖嘛！唔知啲棉花糖撈埋啲面油呀眼屎呀頭皮呀一齊食，是咪滋味啲㗎呢？

細路，到底你堅持緊啲咩……不過呢份堅持都未算最勁，返到屋企你阿媽如果堅持到唔打到你屁股開花就真係勁喇！

月曜から夜ふかしのわたあめ機の枠を外して子供達に直で食べさせるやつ腹抱えて笑ったwww pic.twitter.com/R5mTayAMuJ

— ゆゆ (@yuyu_kino) February 7, 2017

封面圖片、資料來源連結：yuyu_kino／twitter