啲人類成日以為自己識得揀衫同襯衫就好叻，其實主子想畀你欣賞下佢完美嘅Body，先至唔著衫咋！如果主子要著，肯肯定走在時代嘅尖端啦，仲邊到你啲奴才做Model呀？不過偶然主子都會show下自己嘅Fat唇sense畀你哋學下嘢嘅。

要完美演繹一個浪子嘅形象，又點少得一對滄桑的人字拖呢？你睇下主子嗰個不羈嘅眼神，再加埋嗰對畀歲月染黃嘅人字拖，係咪好型棍呢～

「望咩呀奴才，朕著呢對人字拖好睇過你多多聲呀喵！」

主子唔好咁勞氣，其實奴才見天氣涼涼哋，想問下你使唔使要多對拖鞋啫～費事你凍親個對完美嬌嫩嘅肉球呀嘛。

主子即係主子，連呢排最hit嘅童貞必殺服都完全carry到呀！你睇下佢背後唧出嚟個嚿肉肉幾sexy？加埋呢個誘人嘅甫士，仲唔快啲拎相機出嚟幫主子影返輯寫真？

不過唔係個個奴才嘅taste都啱主子㗎⋯⋯雖然主子著咩都靚啫，但大膽奴才竟然買件帽T笠落去就算？一啲都突顯唔到喵星人嘅線條美囉！主子著成咁點溝女呀，molamola⋯⋯見到主子生無可戀咁嘅樣，奴才仲唔渣渣臨去買過套溝女戰衣畀聖上！快啦，仲掛住影相喎！

封面圖片及資料來源：hanamomoact／twitter、ichinyakonyako／twitter、童米梯／貓咪也瘋狂俱樂部