同一杯咖啡，對唔同人嚟講都會有唔同意義㗎，有人當係提神飲品，有人當係呃like扮有生活態度嘅影相道具，亦都有人當係悠閒嘅代名詞。咩都好啦，個個都想收到杯咖啡嘅時候開開心心嘅，如果見到店員喺咖啡杯上面寫啲打氣說話，真係會全日都心情好啲㗎！

可能台灣同日本嘅生活節奏真係冇香港咁急速，啲人又冇咁cool啦，好多時店員都會喺咖啡杯度寫字，甚至畫公仔㗎！收到一定覺得warm，連杯咖啡飲落都寧舍香啫！

叫就叫做咖啡店，但你估真係得咖啡賣咩，買多塊曲奇餅一齊歎，就真係夠晒生活態度喇，唯有請店員多啲嚟密啲手，喺曲奇餅都求其撩隻公仔啦。

喂，知你返工做到冇停手喇，都唔使咁大整蠱，畫埋晒啲咁嘅嘢喺個包裝上面呀嘛！理得你手多多定有暗示呀，總之叫你經理出嚟！再送多十張現金券先淋得熄我嘅怒火呀！

唉呀，唔好咁嬲豬啦，好彩有摩擦力特強嘅網民發現，原來呢個唔係聖暗士星矢嚟，而係一個笑哈哈呀！唔信？將個包裝上下調轉睇咪明晒囉！人哋畫功唔好啫，唔使問候人經理咁惡嘅！

封面圖片、資料來源連結：PTT、nuno／PTT

延伸閱讀：【唔L該呀真係】客人冇拉褲鏈　店員寫咖啡杯提醒