啲人成日話而家搵唔到啲又pure又true嘅女仔，就算去小學都未必搵到咁話喎！呢啲只係你哋啲升斗市民一廂情願嘅諗法啫，其實小學仲有好多好天真爛漫嘅妹妹㗎，佢哋仲識做啲好sweet嘅嘢，令到大叔都冧豬到不得了㗎～

是咁的，喺日本就有一個非一般嘅大叔，喺公園坐咗15分鐘就畀3個讀小學嘅小蘿莉攻陷咗喇！邊個咁疊馬？之唔係Orange Range嘅主唱外間弘樹囉！Orange Range都唔識？「藉著兩點說愛你」喎！首主題曲咁出名都唔識？

Any肥，好似佢啲咁有才華咁出色嘅大叔，就算坐喺個公園度都係好似黑暗中嘅螢火蟲咁鮮明同咁出眾，搞到小妹妹見到佢都忍唔住請佢食蝦條⋯⋯sorry係粟米棒先啱！

一條都唔止，仲要打孖嚟食孖條？！原來隔咗唔夠5分鐘又有另一個妹妹請佢食粟米棒，仲係Exac7ly一樣款㗎?！

嘩！家陣變魔術呀，又多一條？原來過多5分鐘又有個妹妹走埋佢度話要請佢食粟米棒呀！真識食呀！講緊啲妹妹呀，呢隻粟米棒喺日本好受歡迎㗎，咁都捨得請叔叔食？唔通人靚仔真係大小通殺嘅？

好心大叔你咁大個人就唔好咁多幻想啦，一定係班妹妹玩輸咗遊戲，或者係做緊老人關愛活動，儲印仔換優點啫！一定係呀！嗚⋯⋯冇呀，毛毛冇葡萄呀！

封面圖片及資料來源：台灣東販 BANG！編輯部、OR_HIROKI／twitter