通常去睇展覽呀花燈會呀呢啲地方，都會喺展品隔籬擺塊牌介紹返咁嘅，不過老老竇竇，有幾多個人真係會細心睇呀，最緊要係影相吖嘛，唔通影堆字up上網咩，邊有like㗎！

唔睇字嘅廢青嚟到台灣呢個花燈晚會就真係要擘大對眼，做返個認字唔認人嘅認字特警組喇！係咪想問好地地一個花燈晚會做咩會擺個膠咪咁濃嘅吹氣水池噝度呢？唔係用嚟方便你哋出pool㗎，睇清楚人哋寫咩呀，大大隻字寫住日月潭呀！讀萬卷書不如行萬里路，真係唔嚟過花燈晚會都唔知原來日月潭係咁樣樣㗎！

仲有呀，你以為呢盞係馬騮花燈無誤？少年，都叫你畀心機啲讀書，識多幾隻字㗎啦，人哋寫明係土撥鼠嚟㗎！

嗱，再考考你，呢隻又係咩嚟呀？以為又係頭先隻土撥鼠？唉，唔識字又係慘啲嘅，人哋而家係山魈囉！精神啲，臨時演員都係演員，改咗咩名就盡量扮啦！

封面圖片、資料來源連結：蔡昀叡、黃盛澤

《世人都對花燈唔住系列》

【乜又係你呀】唔好以為改過個名我就唔認得你

【紅都面晒】盞鹿仔花燈使唔使整得咁逼真？