既然喺鄰近經濟強國6月3號之後可以跳到6月5號，點解呢個世界就唔可以2月13號之後就直接跳到2月15號喎，咁樣嚟折磨班單身狗，公平咩！唔好畀毛毛睇穿你哋呀，成日扮晒花心思整禮物，其實咪又係將超市買嘅現成方形朱古力叮溶佢之後倒落個模度雪返硬之嘛，好叻咩！

除非你整到呢塊超像真嘅坑渠蓋朱古力啦，咁毛毛就真係服喇！係呀我冇講錯你冇睇錯呀，唔係用模型mode影嘅坑渠蓋，真係朱古力嚟㗎！係咪睇見都淆晒大底，諗住都係唔送朱古力呢！

你班人，係都要挑戰難度，唔肯放棄慶祝情人節？！好啦畀你兇到喇，唯有教下你點整啦。首先你要有：整坑渠蓋模型用嘅模，同埋朱古力，之後就可以好似平時整朱古力咁雪硬佢喇。

得塊坑渠蓋咁lonely，邊有意思㗎，一於整埋條凹凸不平嘅路，象徵你哋嘅愛情路啦……I mean 有幾多難關都可以一齊克服呀（咳咳）。啲沙沙石石就係用食用竹炭整嘅，真係買唔到嘅話，毛毛諗餅碎都得啩？

大功告成！拎住呢塊坑渠蓋去同女神示愛，包你馬到功成呀！其他兵仔淨係識送花送首飾，就算肯親手整，咪又心形朱古力，邊似你塊坑渠蓋咁一見難忘呀！有咩喻意？咪「願可做你腳下那塊渠蓋」囉……下你唔係以為整塊朱古力就有得做女神條仔呀？

マンホールチョコプリンを試作してみた。
実物に対して1/6サイズ。
マンホールはチョコレート製。
アスファルトは砕いた色付けクッキー。
全体を固定するのに裏にプリンを流してます。
全体にココアを効かせているので味の統一も取れてると思う。
バレンタイン前に完成して良かったなとw pic.twitter.com/4qoD9SSoEY

— おでこし(金谷)Berryzデスロード (@38beem) February 5, 2017

封面圖片、資料來源連結：38beem／twitter

懲人節同場加映：

【情人節又到喇】連Locker都用嚟乞求朱古力

【情人節暖男】打一年工搵錢 為咗送900枝花畀全校女仔