講起以前讀幼稚園，學過啲乜就唔記得㗎喇得嗰幾歲人仔成嚿飯咁點知咁多啫，最記得就係過時過節開party，聖誕節有老師扮聖誕老人，中秋節就有得帶自己個寶貝燈籠返去玩，毛毛嗰個仲要識播歌㗎，幾型幾威幾疊馬呀！唉，如果嗰時知道原來唔係得中秋先有燈籠玩，元宵都一樣有得玩，咁咪好囉！

正月十五係元宵節，即係中國情人節呀，細蚊仔就唔好咁快拍拖住喇，玩下燈籠咪幾好。台灣呢班小朋友就帶埋燈籠返去幼稚園一齊玩喇～

「媽咪，點解個個同學仔都帶燈籠，我就拎住個雀籠嘅？到底我係邊個，我喺邊度，我做緊乜嘢……」大家都係籠，媽咪唔係拎錯成龍張相畀你拎返去已經好畀面㗎喇小妹妹……

畀媽咪塊蕉皮跣親嘅，仲有呢個帶條魚返學校做觀察活動嘅細路。雖然睇唔到佢嘅神情，但透過個唏噓嘅背影，都深深感受到佢嘅哀傷同無奈。小朋友，呢個故事教訓我哋，自己書包真係要自己執㗎！

封面圖片、資料來源連結： klouis2000／PTT、Allen Lin

睇埋：媽咪！點解我帶返學校條魚同人哋帶嗰啲唔一樣嘅？