香港最威係咩呀？啲嘢貴囉！仲要貴到世界第一呀～香港冇幾耐之前拎咗房價最難負擔嘅全球第一名，貴嘅又點止樓價吖，就連食嘢都貴呀～梗係啦，而家咩都講Packaging，一碟四寶飯包裝完都可以賣百幾蚊啦！

有網民就喺某連鎖超市見到一粒高貴嘅士多啤梨，真係啱晒情人節送畀女神BB做禮物呀！呢粒盛惠168蚊嘅士多啤梨，唔止係日本直送，仲要有成四層保護，又紙盒又保鮮紙又膠網又盛咁，有賊仔想偷食都有排拆先食到，真係好L安全呀！其實粒士多啤梨都唔算貴呀，有人check過，如果真係要喺日本度訂，一粒士多啤梨都真係要過百蚊㗎！用幾十蚊買包裝，真係抵到爛呀！

咁珍貴嘅士多啤朵最啱就係用嚟比喻女神嘅又甜又靚又需要保護，再唔係同女神講呢個係你個心，請你一層一層咁打開佢再嗒埋佢，肯肯定感動到女神啫，55，一定係咁喇！

有好多人就話包咁多層好浪費地球資源喎，傻豬嚟嘅，啲人都唔係買嘢嘅，啲人係買包裝㗎嘛，好似呢個牛油果咁，開埋畀你，仲要獨立放好，都係為咗個service咋，你估真係食個牛油果咩～

講包裝講貴又點夠呢個4千幾蚊嘅蘋果吖，將一粒Juicy嘅青森縣蘋果放喺個有和風擺設嘅盒仔入面，仲要有個軟綿綿嘅咕?墊住個蘋果，呢啲先叫品味㗎嘛！老老77，其實呢啲鍾意包裝多過內容物嘅朋友，不如將啲利是錢畀晒毛毛啦，反正你哋都係要個包裝啫～

封面圖片及資料來源： Metro、HongKongFP