通常嚟講，去旅行都好易發生7事……

話說，呢位台灣仔仔喺美國working holiday嗰陣識咗個日本妹，因為㗎妹唔識中文而佢又唔識日文，所以佢哋一直都用英文溝通。最近，呢位台灣仔仔就特登飛咗去日本同㗎妹見面兼玩幾日。而為咗慳錢，佢哋決定以搭通宵巴士代替住宿，沖涼就去日式澡堂搞掂嘞。

喂，雖然呢位仔仔唔識日文啫，但佢有個㗎妹傍住㗎喎，唔係咁都7下話？

冇錯！就係咁都7。

呢位仔仔第一次去日式澡堂。佢哋入到澡堂畀完錢，個婆婆就畀咗兩包嘢佢哋。㗎妹嗱嗱聲拎住包嘢衝入「女湯」，但呢位仔仔唔識日文又唔知規矩，梗係即刻問㗎妹包嘢係咩嚟啦！

㗎妹話：「Japanese soaps！」

然後佢拎住呢包「Japanese soaps」去沖涼嘅地方，仲拎咗嚟捽身嘞。不過……點解隔籬啲人嘅目光咁奇怪嘅？

佢拎返張包裝紙一睇……點解番梘都有寫熱量嘅？等到㗎妹沖完涼出返嚟，佢再問多次先知，原來頭先㗎妹係話「Japanese sausage」唔係「Japanese soaps」呀！

㗎妹知道呢位仔仔嘅7事之後喪笑不但止，仲翻譯埋畀澡堂嘅婆婆同其他在場嘅姨姨知，搞到呢位仔仔都唔知幾多搵窿捐……

正所謂，人誰無7過，而家學精咗，下次唔好再7咪得囉！

資料來源：dcard