唔少人去日本窮遊都鍾意喺便利店買飯糰醫肚。梗係啦，日本便利店啲飯糰大件夾抵食，仲要堅．好味?！作為一個精明嘅消費者唔係咁都deal下話？

而最近，有日本網民都準備咗個人哋整畀佢嘅新鮮飯糰嚟做早餐，不過當佢咬完一啖之後就發現……咦，點解個飯糰啲味道好似怪怪地咁嘅？仔細一睇，原來佢手上呢個飯糰竟然係用香口膠嚟做餡㗎！

嘩，唔係咁有創意呀嘛？明太子餡、三文魚餡呢啲普通嘢毛毛就見得多，但用香口膠嚟做飯糰餡毛毛都係第一次見咋，真係好驚喜好有新鮮感呀！唔知將個香口膠餡嘅飯糰擺入口嘅感覺係點㗎呢？以毛毛9估，一定係好有咬口㗎啫！係咪呀，哈姆太郎？

btw，其實樂觀啲咁睇，食到用香口膠做餡嘅飯糰又點吖？起碼都好過食到呢個有塊膠布喺入面嘅飯糰吖嘛！仲有呀，唔通呢個香口膠飯糰嘅作用就係幫你加強對牙齒嘅保護又要話你知咩？

資料來源：ddddaisuke00125／twitter、紅中

回帶：【視覺系料理】日本網民挑戰整螢光綠飯糰

回帶又回帶：【唔L係呀】食食下飯糰發現有塊膠布喺入面？