聽講好多妹豬細細個嗰陣都會FF自己係公主，幻想自己瞓喺城堡張粉紅色公主床度等王子嚟拯救嘅……好啦，幻想咗幾廿年，各位公主幻想完未呀？雖然幾廿歲人就唔應該有咁多幻想（好似係），但做唔成公主嘅，有張公主床瞓下都好吖～

有台灣網友喺網上見到張靚靚嘅公主床墊，諗住買嚟氹下成日過嚟玩嘅小妹妹，自己又可以順便試下做公主嘅滋味，於是就上咗沒有假貨只有內地正版嘅淘寶淘返嚟嘞。

點知網友一收到，驚喜都變驚嚇喎！喂，說好的公主風呢？你睇下床墊上面嗰對「囧囧」冇神嘅眼睛，佢個樣好似隨時準備口張開，將你吞落肚咁呀！而其他網友就發揮佢哋嘅無窮無盡嘅小宇宙，搵咗張床墊嘅真身出嚟嘞。

真相只有一個！原來就係你？你咪係曾經獲選全球最醜動物嘅水滴魚？雖然我哋唔應該以貌取魚，但係要晚晚對住佢瞓，你叫人情何以堪呢？

老老77，其實望落都唔係差好多啫，咪又係粉嫩粉嫩有隻黃色雞腳喺個頭度，成個粉紅色嘅深海大菠蘿咁！水滴魚同大菠蘿都係喺深海度啫，不用分得那麼細啦～你問咁海綿寶寶同派大星喺邊？點解你唔問下神奇海螺呢？

封面圖片及資料來源：xwsss／PTT