每逢落雨都會見到啲蝸牛一家大細咁出動，見住佢哋咁畀心機咁躝呀躝，真係想同佢哋講聲加油呀。之不過佢哋行得咁慢，有時啲人又掛住望電話唔睇路喎，喂，咁樣佢哋容乜易畀人唔小心會踩親㗎？

唉，而家就係有隻可憐嘅蝸牛喺條粗心大意嘅路度畀人踩爆咗個殼囉！個蝸牛殻就好似佢個心咁，碎了一地呀……點算好呢？蝸牛唔似得寄居蟹咁可以換殼，個殼爆咗又好容易會受感染或者畀雀仔食啵，唔通佢就咁就玩完？嗚嗚……

就喺呢個毛文，有位獸醫帶咗佢去醫院呀！呢個頭髮長長心地善良嘅獸醫見到蝸牛仔咁慘，於是就一塊一塊咁執返起啲碎片，然後好有心機咁用膠水慢慢黐返個殼……喂喂，小心呀，千祈唔好畀啲膠水滲入個殼裡面呀！

蝸牛仔個殼就係咁畀獸醫姐姐回復佢本來嘅面目嚕～最後，獸醫姐姐仲請蝸牛仔食沙律大餐幫佢打氣，等蝸牛仔快啲好返?！

而家蝸牛仔又健康又開心，真係要多得呢個獸醫姐姐有救無類呀！呢位靚姐姐唔止心地好，仲要眼明手定咁好技術，話晒小蝸牛個殼咁細，要逐塊黐好都唔容易㗎嘛。醫生，多謝你呀！

封面圖片及資料來源：HaClinica／Facebook