點解啲歌仔淨係有得唱「世上只有媽媽好」而冇得唱「世上只有爸爸好」？喂喂喂，你班爸爸睇下自己點樣湊B先講啦……

話說，有位台灣爸爸就話自己噚晚半夜瞓瞓下突然畀老婆剷咗起身，命令佢沖奶畀阿B飲。嗱，老婆大人叫到，你唔係唔肯起身呀嘛？於是呢位爸爸就局住起身沖奶嘞。不過大家知啦，無啦啦畀人摷醒就梗係矇查查咁㗎嘛……結果佢竟然當咗罐肉鬆粉係奶粉咁沖畀阿B飲喎！

嗚哇，毛毛唔係嗰位阿B都表示喊出嚟呀！求阿B心理陰影面積……

唔狠狠地畀啲教訓呢位爸爸，以後老婆大人仲使出嚟行嘅？為咗好好調教呢位粗心大意嘅爸爸，老婆大人決定罰呢位爸爸飲晒成支肉鬆水先准瞓！吖，唔知啪晒成支肉鬆水落口嘅感覺係點㗎呢？真係諗起都有少少反胃……

講到粗心大意嘅，早前另一位當模型盒係蚊帳咁用嘅爸爸都唔弱。雖然佢只係一心諗住唔畀啲蚊咬B女，但咁樣好易令B女唞唔到氣㗎嘛！好彩媽媽及時發現先冇事咋！

……為咗各位小朋友嘅安全著想，毛毛奉勸各位媽咪切勿讓兒童與新手爸爸獨處。

資料來源：潘同軒／爆廢公社、謝茜兒

《媽媽崩潰系列》

老公驚B女畀蚊咬 竟然將佢放入模型玻璃箱

【要噴血了】老公呀，點解個碟仔咁熟口面嘅…

唔怪得人哋話唔可以畀老竇湊BB啦！