2017年02月13日 星期一
【超人真面目】人哋簽緊名你喺隔籬跳大媽舞做咩啫？
你以為超人打完怪獸就可以收工呀？Sorry喎其實班細路先係佢哋米飯班主，如果冇細路鍾意，一個打十隻怪獸都冇用呀！所以開簽名會，同班小粉絲接觸下，先係佢哋搵食之道！咩呀家陣做超人就唔使湊客呀？
仲有呀，唔好以為超人成日飛嚟飛去打怪獸保衛地球就好威威呀，其實佢哋都不知幾辛苦，只要有其他人喺度，就唔可以除低件緊身衫同面罩做返自己，任何時候都要戴住個假面具做人。奈斯唔知係咪就因為咁而心理唔平衡，終於忍唔住要爆喇！超人緊身衫再緊，都包唔住佢嘅大媽之心！
喂呀，你搞乜呀？人哋幫fan屎簽緊名，好心你就企定定喺隔籬chok下甫屎畀人影啦，喺度跳大媽舞做咩啫？臨時演員都係演員，做傍友都要交戲㗎大佬。
嘩你仲嚟？玩到踢腿咁大？霞姨，呢條友不受控制呀，畀個飯盒佢叫佢扯啦，我唔想搞大件事呀……
隊友一簽完名擰過去叫佢簽，就即刻懶係正經扮晒冇事發生咁，都算你變臉變得幾快！
收工想跳下舞relax下都好正常嘅，明嘅明嘅。不過你動作咁大，又扭籮又踢腿，驚唔驚陣間條褲爆到好似你個行家咁呀？
サイン中のナイス君の動きwww pic.twitter.com/ydKKE40QJz
— 華凛@祝 ?ガイア・アグル復活！！！ (@KARIRIN1029) February 5, 2017
封面圖片、資料來源連結：KARIRIN1029／twitter、deshishi1122／twitter
延伸閱讀：
