2017年02月13日 星期一
【識玩一定係咁玩】睇唔出原來尿尿天使咁猛料！
去廁所交水費就係人都會啦，不過交到好似佢咁出名，喺比利時有個雕像紀念佢，又有幾多個人做到呀？邊個咁巴閉？咪尿尿小童Manneken Pis囉！
最近日本新出咗款figma天使像，配埋喇叭嚟吹又得，配支箭扮愛神邱比特又得，就連扮去殊殊嘅配件都有埋，真係令人好想儲齊一套擺喺枱面，增加返啲藝術氣息呀～
不過好地地一個figma落到日本網民手中，仲點可能避過一劫呀？睇下尿尿小童而家幾有動感，跳住殊殊，得！
殊到360度反轉再反轉都得！你曳曳喇，人細鬼大呀！細蚊仔咁嘅外表，原來收埋咗一個成熟男人嘅……膀胱量！轉咗咁多唔同甫屎嚟殊殊都仲有得繼續屙，多到噓噓聲咁，仲唔大呀？個膀胱。
睇得尿尿仔個樣多，突然覺得佢對眼咁空洞，原來都幾恐怖，不如試下換做日本搞笑藝人個頭啦，或者可以減低不安感呢？
嗯，講還講，呢啲相始終都唔係幾啱小朋友睇，不如都係打返格仔啦，I mean個人樣呀……
エフェクトパーツにより躍動感溢れるポージングが可能 pic.twitter.com/FKDKK1A02p
— オーシー・リノアーナ (@Sushi_Kuihoudai) February 12, 2017
封面圖片、資料來源連結： Sushi_Kuihoudai／twitter
《識玩一定係咁玩系列》
