雖然日本年年都有遊行話要抵制情人節送朱古力嘅風氣，叫大家唔好畀商家佬嘅詭計呃到，不過朱古力製造商就話自己嘅營業額主要係靠情人節做返嚟㗎喇，換句話講即係仍然有唔少後生仔女會送朱古力畀心上人囉！

不過咁，送朱古力咁簡單，係人都識啦。阿媽教落，要箍實男人嘅心，首先要箍實佢個胃！後生女唔識煮飯煲湯唔緊要嘅，整下甜品都一樣得㗎嘛～今日係情人節，有個男網民就話自己終於第一次收到阿媽以外嘅女性送畀佢嘅情人節禮物喇！唔係阿婆阿嫲呀，係佢女朋友呀！

第一次親手整曲奇餅畀男朋友就整埋卡通公仔款，真係好有心思呀，呢個女仔娶得過！一睇就知整緊大鼻與鋼牙啦，不過，點解啲曲奇個表情咁嘅……原來仲要又冇鼻又冇牙，其實毛毛都係憑對耳仔9估㗎咋……

有另一個妹豬都趁情人節，特登買咗個比卡超蛋糕模返嚟整甜品呀，睇張示範圖入面嘅比卡超蛋糕仔圓碌碌又金金黃黃，真係好可愛呀！

不過命運總係殘酷嘅，我最唔想見到嘅Fail版比卡超，點解偏偏畀我喺度見到佢，佢真係好Fail好Fail呀！呢個仲唔係漏電電親自己嘅比卡超？！不過咪話唔提你，做男朋友嘅，收到就算Surprise都好，記得都要保持微笑呀，唔係你下場就分分鐘好似隻比卡超咁㗎喇。

家に帰ったら彼女がクッキー作ってた

俺が「このゴロリのクッキーかわいいなー」って言ったらチップとデールだったらしくてお預けになった pic.twitter.com/sQt5J5sns1

— 瞬 (@eyxIS3OxqUAM1nq) February 13, 2017

またこの季節がやってきましたね…… pic.twitter.com/0e0CPeAYdi

— よね?FateEXTRAプレイ中 (@ynszy) February 7, 2017

封面圖片、資料來源連結：eyxIS3OxqUAM1nq／twitter、ynszy／twitter