你以為玩Facebook、Instagram係新潮後生仔專利，老友記就淨係識搭兩蚊巴士去飲茶？少年，你真係頭殼壞掉呀，你呢個諗法先係最唔潮呀！有冇睇過台灣個有成廿幾萬科勞牙s嘅嫲嫲「邢黃滿金」㗎？佢成日post自拍同串個孫仔亂買波鞋，都不知幾潮爆！

原來而家啲老友記post自拍都未算最潮呀，再潮啲都仲得，就好似日本呢pair人氣急升嘅60歲白髮夫妻咁，最近開咗個挨豬同大家分享佢哋精心襯好嘅情侶裝～Account名嘅「511」仲代表佢哋嘅結婚記念日，真係好sweet呀！

文青最鍾意就係去行下妙思淫、搵幅清清地嘅淨色牆影相，呢對文老都一樣，經常襯到靚一靚咁去睇展覽㗎～

佢哋嘅情侶裝，無論係sharp醒紅色、文藝淨色，定係格仔、間條都冇難度！話晒結咗婚37年啵，梗係點睇都咁襯啦～

除咗套衫，聽講佢哋一頭白髮都襯過㗎，當年老公仔已經生晒白頭髮嘅時候，後生幾年嘅老婆仔就特登去染做銀白色喇～雖然髮色係假嘅，不過都希望佢哋堅係白首偕老啦！佢哋嘅放閃照完全體現咗咩叫「只要愛對了人，天天都是情人節」呀，要幸福哦～！

封面圖片、資料來源連結：bonpon511／instagram

睇埋：【史上最潮阿嫲】識玩FB自拍仲會落filter執相