2017年02月14日 星期二
【讓專業的來】忠實貓奴十幾年嚟將貓鬚儲起
相信屋企有養貓貓狗狗嘅朋友都試過出到街發現自己一身都係毛啦，唔係自己啲毛，而係主子啲毛呀～除咗拎起條毛講句「哎呀聖上派咗分身陪我出街呀蝦蝦」之外，可以做嘅，咪就係嚟手掉咗佢囉，唔通儲起帶返屋企還畀主子咩。
你以為冇人儲呀？呢個忠實貓奴就話畀你知咩叫專業喇，不過佢儲嘅就唔係貓毛，而係主子自然掉落嘅鬚鬚～呢度大大話成千條，儲咗成十幾年㗎喇，幾乎可以用嚟整掃把呀！見唔見到上面呀，仲有少少主子高貴嘅牙仔?呀，咁畀心機慢慢儲，相信呢個貓奴一定好愛錫佢主子喇。
正確啲講，係「佢班主子s」先啱，事關佢喺屋企養咗幾十隻浪浪，全盛時期仲有成90隻咁多呀！佢話自己細細個已經好鍾意喵星人，所以大個咗希望可以盡少少力量幫班貓貓～
要一條條貓鬚咁儲，睇嚟真係要唔少心血同眼力先做到啵，不過入門級貓奴又唔使灰心嘅，試下喺地下掃埋堆貓毛先啦，仲可以整頂帽進貢畀主子?！
如果連咁都嫌高難度呀……乜你咁煩㗎，整頂尖尖尖帽ok喇啩？你睇下小橙主子戴咗帽之後成個侵侵咁有霸氣?呀！
封面圖片、資料來源連結：楊雅筑／貓咪也瘋狂俱樂部 CrazyCat club、Émilie Depp、rojiman／instagram
延伸閱讀：
