話說，早幾日呢位台妹嘅媽咪就出咗trip，點知到咗夜晚嗰陣佢先發現自己原來唔記得帶梳喎！喂，大家知一把梳對女人嚟講係幾重要㗎啦，女人冇咗把梳真係可大可小㗎嘛……正當大家都以為佢會落街買過把梳嘅時候，呢位媽咪竟然寧願自製筷子梳都唔肯嘥錢買把？

喂弱弱一問，你把自製筷子梳會唔會梳到個頭損晒㗎？

估唔到，當台妹問阿媽把梳咁樣樣會唔會梳到個頭損晒嘅時候，呢位媽咪竟然話細力啲用就得……嗯，呢位媽咪果然好慳家呀下！唔怪得呢位台妹嘅老竇會咁冧佢啦！

老老77，其實出trip／去旅行真係會遇到唔少唔方便嘅時候，好似買完個布甸做宵夜先發現店員唔記得畀羹呀咁，臨時臨急你叫我去邊度搵個羹出嚟啫？

乜你食布甸冇羹用咩？呢位日本網民教落，用布甸張包裝紙摺個羹出嚟一樣得。

仲有呀，出trip同去旅行梗係唔少得同屋企人、朋友facetime報平安兼解悶啦……咩話？你話你部手機插住headphone線同叉電線唔可以打直放喺枱面？嗱，呢個時候將部手機放喺個飲品杯蓋上面就fit晒嘞！

發揮創意，慳錢得嚟又環保，係正嘅。

資料來源：dcard（1）、dcard（2）、便利ライフハック 【venlee lifehack】

生活智慧王系列：

原來膠杯蓋可以咁用？

用直髮夾整爆谷又得喎！

開咗先發現冇匙羹點算好？