問世間情為何物，有幾多人真係可以做到一心一意？聽講原來有啲人會一邊同Darling做愛做的事，一邊背乘數表捱時間㗎陰公。不過唔好以為單身狗就等如自由身啵，聽講都有人唔止會飛住睇愛情動作片，仲會邊睇邊搵啲細藝搞下，一身二用㗎！

日本有個網民就喺欣賞緊佢國家嘅特產：愛情動作片嗰時，見悶悶地咪隨手拎起個圓形光管嚟玩囉。知你諗咗去邊㗎喇，係，佢真係用嚟套住啲嘢，仲要好粗下㗎?。冇錯喇，咪就係佢條腰囉！佢竟然拎個圓形光管當呼拉圈咁玩呀，真係唔知咩玩法喇。

唔通一路睇片一路轉呼拉圈會表現得威猛啲嘅，毛毛真係睇唔透……喂你口味咁獨特，自己慢慢歎咪算囉，唔使開心些牙咁客氣喎。原來佢玩玩下發現個圓形光管卡住咗，入得唔出得呀，但係敲碎個光管又會一地玻璃碎，都唔知點算好，所以咪影相放上網求救囉。

唉冒住畀人cap圖恥笑一世嘅危險都要post相，睇嚟佢真係相當絕望，唯有打救下佢啦。有網民就叫佢用潤滑剷幫幫手減低摩擦力喇，佢都真係幾聽話㗎，不過用嘅唔知點解係機油啫……是但啦乜都好啦，最後總算成功脫險，我真係恭喜你呀！Btw唔知佢個手勢有咩含意呢？

封面圖片、資料來源連結：2ch