2017年02月16日 星期四
【社會實驗】阿媽自製Brownie證明視覺對味道幾大影響
有人覺得，食物嘅外表係其次，最重要嘅都係味道，總之就「有得食唔食，罪大惡極」咁話啦。嗱，你班友仔唔好講就兇狠，做就懵L呀下，夠薑就食晒以下呢兜Brownies佢！
嘩，乜呢兜嘢成兜sss咁嘅？咁嘅樣叫人點食呀！
不過咁，唔好以為呢兜嘢係失手先搞成咁呀，其實今次係阿媽特登整到啲Brownies好似sss咁㗎。話說，阿女學校就話要做個講視覺同味道嘅關係嘅科學實驗，於是阿媽就即刻諗到整呢兜sss型Brownies，而且仲加咗Nuts同焦糖，等啲Brownies望落更加似人哋消化不良嘅便便，證明視覺對味道有幾大影響！
適逢情人節，阿女仲特別要求阿媽整個馬桶型禮物盒畀佢裝啲Brownies返學校?。喂，阿媽出手又點會有甩拖呀？個馬桶唔止有沖廁掣，仲連廁紙都準備埋，等你完事可以即刻清潔，真係好細心呀～
話時話，之前有位台灣網民都將嚿麻糬整到成嚿sss咁喎，唔知又係咪做緊社會實驗呢？
封面圖片及資料來源： addrandomusernamehere／imgur、ayaya30096／PTT
