年少多好？年少就係玩幾大都玩得起呀你吹得我漲呀？而講到玩嘢，最好玩就梗係玩壽星啦！最近，有位台灣壽星女都喺慶祝生日嘅時候畀一班hihi fd子玩到謝晒，而家就等毛毛同大家睇下呢班友仔玩到有幾大先～

首先……人嚟，同我綁住壽星女佢！尼龍繩同膠紙打孖嚟，睇下你今次仲走得去邊？你嗌啦，你嗌破喉嚨都冇人理你㗎喇！

然後就梗係唔少得長年佔據生日整人道具排行榜第一位嘅……cream啦！雖然呢位壽星女全身都係滿滿嘅cream，但大家睇真啲，班hihi fd子係冇搞9佢對眼，特登留返對眼畀佢睇嘢㗎！wow，諗落係咪覺得呢班hihi fd子都hi唔晒呢？

跟住，其中一位hihi fd子sss忽發奇想，不如將個壽星女搬上貨車度咯？咦，搬佢落街做咩呢？唔通係畀佢曬太陽？

錯喇，得一班hihi fd子同呢位壽星女慶生又點夠難忘啫！梗係要擺佢上架貨車度，等佢接受下一眾路人嘅祝福啦！果然擺咗一陣之後已經有唔少路人開始圍觀，有啲路人仲真係同佢講生日快樂?～嗚哇，啲路人真係好愛呀～

好，節目差唔多嚟到尾聲，又係時候執手尾嘞。

呢班hihi fd子話喎，因為壽星女成身都係cream，驚一鬆綁佢就報復嘅關係，於是就連人帶櫈咁搬入浴室度清洗嘞。老老77，玩完都幫你洗返算係咁啦！最後附上全體合照一張：

例牌頭盔：嗱，人哋係真係fd底先玩咁大，以上行為（包括開post）全部都經當事人同意先做㗎，各位家庭觀眾千祈咪好亂學呀下。

資料來源：dcard

生日整9你系列：

【乜咁客氣】抹茶控生日梗係要自製辣椒加強版蛋糕畀佢啦！

【乜咁大整蠱】仲以為班同學咁好死買蛋糕幫我慶祝…

【乜咁大整蠱呀】難得生日梗係要玩盡佢