2017年02月17日 星期五
【被選中嘅細路】散散下步竟然畀喵星人帶咗返基地？
喵星人作為外星入侵物種，佢哋嘅秘密基地又點會咁易畀人類發現呢！之前試過有攝影師懷疑坑渠就係喵星人返基地嘅通道，不過都只係見到佢哋喺嗰度出出入入啫，冇真係親眼見過基地真身，但呢個後生仔就幸運得多喇！
平時喺街度遇到嘅流浪貓貓，多數都好怕人嘅，就算唔一見到人就閃開，都唔會主動撩人玩啦～但係呢個日本網民喺公園散散下步，竟然有隻喵星人向佢埋身，仲要好似想帶佢去一個地方咁啵。
唔通呢個男仔就係被選中嘅細路，有份演現實版《夢幻街少女》？佢一於就跟住隻流浪貓貓一路行，行到樓梯前面，貓貓見到佢停低咗，仲回頭喵咗聲催佢行快啲?呀！
行咗一小段路，又落埋樓梯，到底貓貓想帶個男仔去邊呀？個基地隱世成咁，唔知收埋咩咪咪呢，會唔會係想帶個男仔返去進行洗腦㗎！好緊張呀！
終於都到喇，喺基地一早有幾隻喵星人等緊佢！
「大佬，我帶咗條友仔返嚟喇，慢慢enjoy，喵！」
原來基地呢幾隻喵星人不甘寂寞，所以派手下誘騙美少年後去服侍佢哋，幫佢哋……摸頭頭同搲背背呀！睇個後生仔都服侍得班喵星人幾舒服，唔知喵星人又睇唔睇得中佢，揀埋佢做專用奴才呢？
沖縄では猫が集会にお招きしてくれることもあるよ！
— いとう (@Hi_brother23) February 15, 2017
その時はくれぐれも失礼のないように。
運命的な出会いは逃すなよ！！ pic.twitter.com/2VKqXaZql8
封面圖片、資料來源連結：Hi_brother23／twitter
延伸閱讀：
