做咗咁多年人，都知好多嘢係整定㗎喇，不過唔通咁就放棄自己咩，點都要時刻抱住希望，努力改進嘅，就好似女人買化妝品、護膚品咁，其實都係買個希望啫。

至於大部分男人嘅希望，相信就係做個有耐力嘅真漢子喇！早排網上流傳一張圖，話用炭酸水浸丁丁有助表現，可以增強持久度！初初開始呢個特訓呢，就浸佢30秒啦，慢慢慣咗就可以浸夠60秒喇，只要忍過痛楚，就可以成為一個強者！

嘩有冇咁堅呀？不過成本都係一支炭酸水同埋一分鐘啫，試下都冇妨！有個日本網民就拍片示範畀大家睇喇！佢用嘅係喺7仔買到嘅普通炭酸水，絕冇加料㗎～

除埋褲仔跳返part舞激勵下，再擺個必勝pose，就知佢對呢場實驗幾咁興致勃勃啦？

將杯炭酸水擺喺地面，再做個掌上壓姿勢，呢場史上最有科學探究精神嘅亡命實驗就一J 即發喇！各就各位！3－2－1！浸落去！

好喇咁多位觀眾我哋繼續食住花生睇佢……話口未完，佢已經支持唔住，放棄咗呢個特訓喇！喂呀人哋話入門級都要浸30秒㗎，你先浸得嗰5秒，邊有料到㗎，小心有反效果呀！

見到佢痛到講唔到嘢，只可以用手輕撫住容易受傷的小鳥，真係隔住個mon都隱隱約約覺得細佬好似縮緊做細細佬咁呀……呢個特訓嘅結果係點，你睇佢個表情都知啦。

最後，呢位勇者為特訓失敗而向大家鄭重道歉。傻啦，你為咗千千萬萬男性嘅萬萬億億條蝌蚪而做呢個實測，真係好偉大呀，欽敬欽敬！唔好講咁多喇，搞咗咁耐，你都辛苦喇，飲返杯新鮮炭酸水先啦！

封面圖片、資料來源連結：タニモ卍卍チャンネル／YouTube

睇埋：【單手大挑戰】用咗9個鐘終於撳到落Excel最底一行喇！