2017年02月17日 星期五
【有錢就是任性】買杯咖啡竟然有27個要求？
出去食飯，最怕就係個伙記落漏單，搞到叫咗碟飯扣底又冇扣到，檸茶少冰又冇少到。唉谷鬼氣，都係去買杯咖啡降下火算喇！好彩而家啲咖啡店會貼張label喺杯上面，寫晒有咩特別要求啫，order咗少甜少冰定多甜走冰都清清楚楚！
呢個客人一睇就知係識食之人，買杯30幾40蚊嘅咖啡咋嘛，竟然都有成27個要求，對飲食有一份好強嘅執著！走冰、用特大杯裝、加奶泡呢啲要求咪濕濕碎囉，佢呢個list，直頭好似將呢杯嘢飲全部材料都寫一次出嚟咁呀！咩呀，畀成大嗱嗱幾十蚊買咖啡，淨係post相扮有生活品味邊夠㗎？梗係要成個過程都充滿中產味先得㗎啦，爺有錢就是任性！
不要玩店員！人哋係服務性行業，都唔代表要任你玩㗎嘛，其實咖啡店店員平時除咗沖飲品，仲不知幾細心，好似會喺杯上面既低調又張揚咁提醒客人拉返褲鏈、又會小心用膠杯保管住大頭蝦客人漏低嘅黑超咁，真係好抵讚！你仲好意思畀27個要求人哋？
平時受埋受埋咁多氣，毛毛終於明點解個店員要畫呢個公仔喺曲奇餅包裝上面喇……唔好亂咁諗啦，你上下倒轉張圖睇就明㗎喇，係一個哈哈笑呀！畫嚟提自己遇到咩怪獸客人都好，都要keep住微笑㗎！
封面圖片、資料來源連結：dailymail
《有錢就是任性系列》
【有冇搞錯】成日落order叫店員畫公仔好好玩咩？
