互聯網真係一個好神奇嘅地方，明明你本來製造出嚟嘅係一樣好Fail嘅嘢，但只要將嗰樣嘢放上網就會因為眾人嘅like（雖然可能代表恥笑）而變得成功，呢個成功嘅失敗唔止可以令一個人一夜成名，仲分分鐘帶嚟無限商機?！

好似呢張超級fail嘅全景相咁，有個大膽嘅奴才竟然將身材妸娜多姿嘅主子影到變咗貓形蜈蚣呀！點知呢幅相竟然喺網上爆紅，大家唔止瘋狂share呢張相，仲有好多人返屋企搵自己主子影埋一份?！

估唔到隔咗咁多年，大家都仲咁掛住呢隻超長主子，仲幫佢實物化咗?～但横睇點睇都似係一隻普通嘅白貓公仔咋喎，我讚得書少，你唔好呃9我呀。

畀你估到嘅就唔係主子啦～呢款貓公仔最特別嘅地方就係可以將貓身無限伸延呀！話咁快主子就畀人Double咗，變咗八腳神獸喇～話明可以無限加上去，咁踏上這無盡旅途就梗係唔可以就咁畀佢停啦！

各位觀眾，堅貓形蜈蚣！咁長嘅主子真係好有霸氣呀！但係點解望落咁熟口面嘅？

所有謎底已經解開，高貴嘅主子又點會fail呀！其實當年係主子特登畀你啲人影成咁咋，唔通主子想進軍cos界，cosplay緊《海賊王》長環長島啲生物又要話你知咩！

封面圖片及資料來源：pinterest、tsuyakeshisama／twitter、動畫《海賊王》截圖

パノラマカメラ猫完成しました pic.twitter.com/80EVvCrQ8I

— つやけし様の下僕＠WF4-15-13 (@tsuyakeshisama) 2017年2月16日