2017年02月19日 星期日
【機已屈】抄notes梗係要抄到畫埋圖上晒色咁先叫pro㗎嘛！
有一種人，一定要將本notes抄到靚一靚先有心機溫書。不過點先為之叫做抄到本notes靚一靚呢？毛毛唔用說話嚟答你哋，毛毛用例子嚟答你哋！
話說，最近有日本網民就同大家開心些牙咗佢高中一年級時候抄嘅notes。大家睇下，本notes畫埋圖上晒色咁，一睇就知佢用咗唔少時間嚟抄呢本notes啦！嗯，分分鐘人哋淨係抄notes嘅時間都多過毛毛溫書嘅時間?……
呢位網民話喎，就係因為佢當年咁認真抄notes，所以到而家佢都仲記得本notes入面嘅內容㗎～嗚哇！個個一畢業都自動將啲嘢還返晒畀老師，但呢位網民竟然到出咗嚟做嘢都仲記得老師教過啲咩？嗱，呢啲咪好學生典範囉！
講開bio，送多個毛毛小故事畀大家聽：
話說，想當年毛毛嘅bio成績真係差到一個點。有次Miss派卷，Miss話今次考得最差嘅人得4分。然後毛毛收到卷一睇，＿，我咪係4分囉！跟住毛毛個死黨走埋嚟問毛毛幾多分，得4分毛毛都唔好意思同人講啦，於是毛毛淨係話：「唔好問我啦，你唔會低分得過我㗎喇……」點知條衰仔都話：「點會呀，你真係唔會低分得過我喎！」
最後，原來大家都係4分，原來最低分嘅人係有兩個嘅……55，完。
僕の高1の時の生物基礎のノート??
— おおしま（兄） (@Oshima_Bro) 2017年2月18日
めっちゃ時間かかったん覚えてる（笑） pic.twitter.com/dROWCF2ShJ
資料來源：Oshima_Bro／twitter
