對日本人嚟講，最佳冬季活動係咩？瞓覺？喂，好心你哋班死廢青唔好一年到晚都淨係識得瞓好冇呀，冬天咁凍就梗係郁動下㗎啦～所以唔少日本人一到冬天都鍾意一家大細去滑雪場滑雪，享受一下速度帶嚟嘅快感！

而以下呢位日本網民都唔例外去咗滑雪，而且仲畀佢捕獲到野生高達～

嘩，係男人的浪漫－高達呀！雖則話日本係cosplay大國，就算日光日白喺條街度見到野生高達都唔出奇啫，但而家居然連滑雪場都出現野生高達嘅蹤影……喂，阿高達你會唔會老是常出現咗啲呀？

大家睇下，雖然佢著晒全副裝備咁出動，但都完全阻礙唔到佢滑雪同坐吊車。唔止咁，佢坐緊吊車嘅時候仲不忘向呢位影緊佢相嘅網民揮手，真係一隻好nice嘅高達嚟呀！

而有另一位日本網民見到呢個post就表示，自己都曾經喺滑雪場度捕獲到野生高達，而且仲要係超近距離嗰隻?！

btw，野生捕獲嚟講，最重要都係影返張合照！yeah！

スキーに行ってるお兄ちゃん様から届いた現地の写真を見て寝起きの脳が混乱している pic.twitter.com/z76s9PWGcE

— たぬきのフレンズ (@tanukashin) 2017年2月19日

資料來源：tanukashin／twitter、himuroprinces／twitter

回帶：【另類上色法】用迷你炮仗幫高達加返啲戰鬥過嘅痕跡又得喎！

又回帶：【ok u win】就咁用模型框都可以砌到架巨型高達出嚟？