2017年02月20日 星期一
【心酸早餐】老闆你會唔會考慮搽多少少朱古力醬呢？
正所謂「一日之計在於晨」，想要一個好開始，梗係要食返個靚早餐先得㗎啦！
最近，有台灣網民就買咗份朱古力三文治嚟做早餐。
嗱，呢份朱古力三文治睇落都好正常吖，咪朱古力醬加方包囉，但呢位網民竟然話份早餐令佢心寒到無話可說？
喊出嚟！都話咗凡事唔可以睇表面㗎啦……大家掀開塊包睇下，估唔到滿滿嘅朱古力醬只係一個假象，呢份所謂嘅朱古力三文治原來淨係得個邊邊位先有朱古力醬㗎咋！
唉，一早起身返工返學連坐低食個靚早餐嘅時間都冇已經夠陰功㗎啦，而家諗住買份三文治咬下啫，點知咁都畀份三文治欺騙自己感情……喂老老77，雖然份三文治只係賣20蚊台幣，但要求老闆你搽多少少朱古力醬都唔係好過份啫下話？
資料來源：dcard
