早前有位港女因為覺得男朋友將食剩嘅嘢打包呢個行為好cheap，於是就將男朋友擺上網公審（回帶請睇：港女話男友將食剩飯餸打包真係好cheap好失禮），結果係點？結果就梗係畀網民公審返轉頭啦。所以話呢，做人真係要惜食呀～

而以下呢位台灣網民都好惜食㗎，佢連食剩嘅杯麵都唔浪費，會整返熱嚟食?！

嗱，大家唔好理點解呢位網民細食到連一個杯麵都食唔晒，都唔好理食翻叮杯麵健唔健康乜乜乜先（食得杯麵仲講乜鬼健康…）。家陣淨係睇呢位網民連對住一個杯麵都發揮出食得唔好嘥嘅精神，就知佢值得欽敬啦！

不過咪住先，呢位網民你做乜放個杯麵落電飯煲度嘅？你唔係天才到諗住用電飯煲嚟整返熱個杯麵呀嘛……喂喂喂！係你都唔好直接擺落去，轉返個可以加熱嘅碗先吖！

唉，都話咗你㗎啦，而家搞到個發泡膠碗咁樣樣喇……

而最後，呢位網民見到個杯麵搞成咁，於是就決定出post問下大家到底呢個杯麵仲食唔食得嘞……對於呢個咁難答嘅問題，毛毛表示：我冇說話講。

資料來源：Yann Ick／●【爆廢公社】●

醒到一個點系列：

【求助】洗機係咪咁樣洗㗎？

【求助】又話山竹好好食嘅？

【求助】牛油果是咪食中間粒嘢？